كتب : حامد خليفة
إتهمت المطربة شيراز حسنى موزع أغنيتها "أنا مش مامتك" التي طرحتها عام 2018، بسرقة نفس التوزيع لأغنية "عيشها بمزاج" للمطرب حودة بندق وعلقت شيراز على صفحتها الفيس بوك قائلة : رغم إني إتعرضت لمواقف كتير وحشة منهم نصب وسرقة وعقود إحتكار عطلتني كتير وقعدتنى في البيت، لكن دايما كنت بحل أمورى بهدوء ولأني مابحبش وجع الرأس كنت كتير بعدى وأفوت، بس تقريبا في كتير إفتكرو إني هبلة وبسكت عن حقي، فقالو يتمادو، المهم مع إحترامي للفنان جاد شويري والفنان حودة بندق، والملحن مدين اللي ملحنلي الغنوة واللي رشح الموزع للغنوة، إلا إن عيب علي موزع محترم أخد حقة المادى إنه ياخد توزيع عامله وواخد تمنه لمطربين تانيين لاء ولأنه عارف إنه عامل حاجة غلط عمل ليا بلوك، إتفاجأت بناس بتكلمنى وتبعتلي رسايل تقولي الغنوة بتاعتك التوزيع مسروق ومعمول لغنوة تانية، دخلت أشوف لاقيت إن الموزع اللي وزعلي الغنوة، هو اللي وزع ولحن الغنوة التانية، بجد برافو علي الإبداع ، بس ياريت ما تتريقوش علي فنانيين المهرجانات وتتهموهم بالسرقة وتقللو منهم وكأنهم شيء حقير وأنتو اصلا بتعملو اللي بيعملوه برافو عليكم، اللي هو أنا أسرق عادى لكن إتسرق لاء أقلب الدنيا، وأنا تركت لكم جزء من اللي إتاخد من الغنوة والحكم ليكم .
إرسال تعليق