بقلم الشاعرة / رحاب السيد
أيوة أنا مصر
أنا الجنه أنا الدنيا أنا الأيام
أنا الزهرة وأنا الربيع أنا البستان
أنا الغنوة اللى عشت احلم تغنيها
أنا الآتى بتفاصيله
أنا بكرة اللى جاى خيره
أنا الخير اللى في الدنيا
أنا يومك أنا ليله
أنا نهارك بتفاصيله
ايوه أنا مصر.
أنا النور اللى في عيونك
أنا الكحل اللى فى جفونك
أنا قلبك بدقاته
أنا عمرك بلحظاته
أنا الفجر اللي في الدنيا
أنا ملامح لروح غالية
خلقها الاه جميل في علاه
تركها تجول أرضه وسماه
ايوه أنا مصر.
أنا الذكري إللي بتمنى تخلدها
أنا أمك أنا حضنك أنا دليلك
أنا عمرك بتفاصيله
أنا النيل اللى فاض خيره
أنا الزرع اللى في الخلجان
انا العزة في كل زمان.
أنا الرفعه اللى في عيونك
أنا وردك أنا غصونك
أنا من بعدي تبقى يتيم
ولا يبكى عليك إنسان
أيوه أنا مصر.
بقلم الشاعرة/رحاب السيد "عطر اللافندر".
إرسال تعليق